مختلف طبقوں میں جوڑ کا آسان طریقہ...
چیزوں سے کامیابی کا یقین ہٹانے اور اللہ سے کامیابی کا یقین جمانے کیلیے کچھ مدت کیلیے چیزوں میں سے نکلنا ہوگا--ایمان کی مجلسوں میں بیٹھ کر ایمان کی باتیں سننا سنانا ہوگا، نماز کے فضائل اور اس کے برکات معلوم کر کے اس یقین کے ساتھ نماز میں لگنا ہوگا کہ ہم خدا میں لگیں گے تو خدا ہم کو نوازیں گے، اسی طرح اذکار و تسبیحات کے فضائل معلوم کر کے ان کے یقین کے ساتھ ان میں لگنا ہوگا، دوسروں کے ساتھ اچھے سلوک اور خدمت کی مشق اس یقین کے ساتھ کرنی ہوگی کہ ہم جتنا اچھا سلوک اللہ کے بندوں کے ساتھ کرینگے ویسا ہی اچھا سلوک اللہ تعالی اپنی شان عالی کے مطابق ہمارے ساتھ کرینگے خاصکر ایمان کی نسبت سے ہر مسلم کے اکرام کی اور اپنے کو حقیر و کمتر سمجھنے کی مشق کرنی ہوگی--ان باتوں کی دوسروں کو بھی دعوت اپنی حاجت سمجھ کر اس یقین کے ساتھ دینی ہوگی کہ جب میں اللہ کے دوسرے بندوں میں اس کیلیے کوشش اور محنت کرونگا اور اس راستہ میں تکلیفیں اور ذلتیں اٹھاوں گا تو اللہ مجھے ان چیزوں سے محروم نہ رکھیں گے---اس کی بھی مشق کرنی ہوگی کہ یہ سارے کام صرف اللہ کی رضا کیلیے ہوں-اس طرح کچھ مشق کر لینے سے انشاء اللہ سب طبقوں میں جوڑ کی شکل پیدا ہو جائے گی--
(بیان...حضرت جی مولانا یوسف صاحب رح..آخری سفر کے اجتماع کے بیان سے ماخوذ)
------------------------------------
#copy
Comments
Post a Comment